• 60минутаас хэтрэхгүйгээр нэг нүд гэнэт огцом хараа алдах
• Заримдаа оч гялалзаж болно.
• Нүдний цусан хангамж гэнэт буурснаас (цус түр хомсдох дайралт)
• Ерөнхий шалтгаан:
  • хүзүүний гүрээний судасны нарийсал,
  • гипотони,
  • идиопати (торлогийн артерийн спазм ч байж болно)
  • торлогийн болон харааны мэдрэлийн хямралын дохио,
  • харааны хөхлөгийн хаван

Эмнэлзүйн илрэл

Нүдний үзлэг шинжилгээ голдуу хэвийн байна. Торлогийн артерийн дотор ялтаст фибрин холестрол- Hollenhorst эсвэл ретинопатийн венийн зогсонгишил үзэгдэж болно.

Гүйцэтгэх шинжилгээ

• Гүрээний судасны хэт авиа, КТангиограф, Соронзон доргионы дүрслэлээр нарийсал, дисплази, диссекцийг үгүйсгэх
• Артерийн даралт хэмжих (ортостатик байрлалд)
• ЭКГ-тосгуурын чичиргээг үгүйсгэх
• Зүрхний эхо (эмболийг үгүйсгэх)
• Цусны шинжилгээнд цусны хэт их бүлэгнэлтийг үгүйсгэх

Ялгах онош

• хүзүүний гүрээний судасны нарийсал,аортын нум болон зүрхний хавхлага,хананы эмболиц
• гипотони ба гипертензи,
• цус хэт бүлэгнэх байдал,
• торлогийн судасны хямрал ба вазоспазм,
• харааны хөхлөгийн хаван

Эмчилгээ

• Шалтгааны эсрэг
• Артериосклерозыг үүсгэх хүчин зүйлийг бууруулах (чихэр) шижин, даралт ихсэлт, дислипидеми, хөдөлгөөний дутагдал, таргалалт, тамхи таталт)
• Аспирин 81 мг/өдөрт хэрэглэх

Тавилан

Үүсгэсэн нөхцлөөс хамаарна.

Өвчний мөн чанар

• 60 минутаас хэтрэхгүйгээр хоёр нүд гэнэт огцом хараа алдах
• Хоёр нүдний харааны мэдрэл ба харааны гадрын үйл ажиллагааны алдагдлаас үүснэ.
• Ерөнхий шалтгаан:
  • мигрень
  • харааны гадрын цус түр хомсдох дайралт
  • торлогийн болон харааны гадрын таталтууд,
  • харааны хөхлөгийн хаван

Эмнэлзүйн илрэл

Мигрень: аль нэг талдаа таллаж, 20-30 минут шугаман судал жирэлзэж оч гялалзах, толгойн өвдөлт дагалдаж болно.

Цус түр хомсдох дайралт: оч гялалзаж хэдэн минутаар хомоним нийт хараа алдана.толгой өвдөх нь ховор Таталт: голдуу өнгө өөрчлөгдөж гялалзах нь хэдэн секундээс минут үргэлжилнэ.

Харааны хөхлөгийн хаван: Босоо байрлалд хэдэн секундээр нүд харанхуйлахад хүргэх

Гүйцэтгэх шинжилгээ

• Хэрэв цус түр хомсдох дайралт гэж сэжиглэвэл: Зүрхний эхо-эмболийг харах, ЭКГ-тосгуурын чичиргээг үзэх, артерийн даралт хэмжих
• Таталт гэж сэжиглэвэл: Тархины зураг авах, тархины цахилгаан бичлэг хийх.

Эмчилгээ

• Мигрень: Толгойн өвдөлт байнга зовоохгүй л бол эмчилгээ нэг их байхгүй. Хэрэв байвал урьдчилан сэргийлэх зорилгоор бета блокатор, кальцийн сувгийн блокатор, вальпроат.
• Харааны төвийн цус түр хомсдох үед: зүрхний эмболи байвал аспирин 81 мг/ өдөрт, артериосклероз үүсгэх хүчин зүйлийг арилгах,
• Таталт: боломжтой бол голомтыг эмчилнэ.
• Харааны хөхлөгийн хаван:үүсгэсэн шалтгааныг эмчилнэ.

Тавилан

Үүсгэсэн нөхцлөөс хамаарна.

Өвчний мөн чанар

• Гол төлөв тодорхой шалтгаант өвчин байхгүй.
• Ихэвчлэн толгой өвдөхийн өмнө нүдэнд 20-30 минут шугаман судал жирэлзэж оч гялалзах ажиглагдана.
• 48 цагаас хэтрэхгүй толгой өвдөх, дуу гэрэлд хэт мэдрэгшил үүснэ.
• Өндөр настанд толгой өвдөхгүйгээр харааны дохио үүсч болно.
• 30 наснаас өмнө анхны дайралт үүсэх боловч хожуу элбэгшинэ.

Эмнэлзүйн илрэл

• Дохионы хугацаанд харааны талбайд хомоним хемианопси үүснэ
• Дохио сарнисаны дараа харааны хэвийн бус байдал ч алга болно.
• Онош бүхэлдээ өвчний түүхэнд тулгуурлана.

Гүйцэтгэх шинжилгээ

Харааны талбай хэвийн бус байвал,мэдрэлийн талаас мигреньтэй төстэй биш байвал тархины шинжилгээ хийнэ.

Ялгах онош

• Харааны төвийн цус түр хомсдох дайралт
• Харааны гадрын таталт
• Харааны хөхлөгийн хаван
• Тархины зарим эмгэгийн үед хоёрдогчоор мигрень ховор үүсч болно.

Эмчилгээ

• Сэдээгч хүчин зүйлийг тогтоож эмчлэх
• бета блокатор (пропроналол 40-120 мг) 12 цаг, унтахын өмнө амитриптилин 25-75 мг
• Вальпроат 400-600 мг/12 цаг
• Топирамат, Габапентин
• Тамхи таталтыг зогсоох, жирэмслэлтээс хамгаалах эмийг зогсоох

Өвчний мөн чанар

• Түр зуурын, нэг нүдний хараа алдалт залуу хүмүүст тохиолдоно.
• Бусад шинж тэмдэг дагалдахгүй.
• Мигрений түүхтэй байж болно.
• Нүдний шинжилгээ хэвийн гарна.
• Эмболи болон артериосклерозыг үүсгэх хүчин зүйл байхгүй.

Эмнэлзүйн илрэл

Торлогийн артерийн хэсэг газрын нарийслыг харж болно.

Гүйцэтгэх шинжилгээ

Нэг нүдний түр хараа алдалтын шинжилгээтэй адил.

Ялгах онош

• хүзүүний гүрээний судасны нарийсал,
• гипотони,
• цус хэт бүлэгнэх байдал,
• торлогийн судасны заналхийлэл,
• харааны хөхлөгийн хаван

Эмчилгээ

• Кальцийн сувгийн блокатор-Верапамил 120-360 мг/өдөрт

Тавилан

• Кальцийн сувгийн блокатор нь дайралтыг бууруулна.
• Харвалтаас хараа алдах нь ховор.