МАУА
Энэ оны 7-8 дугаар сард АНУ-ын Индиана болон Пенсильвани муж улсуудад бүртгэгдсэн бага насны хоёр хүүхдээс ялгасан вирүс нь томуугийн гахайн гарвалтай A(H3N2) вирүсээр сэдээгдсэн болохыг АНУ-ын ӨХТ (CDC USA) мэдээлсэн билээ [1]. АНУ-ын Пенсильвани муж улсад уг шинэ вирүсээр сэдээгдсэн халдварын 2 тохиолдлыг энэ 9 дүгээр сарын эхээр илрүүлсэн байна [2]. Дээрхи халдварын тохиолдлууд нь өөр хоорондоо холбоогүй бөгөөд өвчтөнүүд ойрын үед гахайтай шууд хавьталд ороогүй хэмээн мэдүүлсэн ажээ.
Томуугийн гахайн гарвалтай A(H3N2) вирүсийг АНУ-д анх 1998 онд гахайн сүрэгт илрүүлсэн бөгөөд 2009 оноос хойш хүнд алаг цоог өвчлөл үүсгэсэн 8 тохиолдлыг өмнө нь мэдээлсэн юм. Энэ удаагийн алаг цоог өвчлөлийн үед илрүүлсэн гахайн гарвалтай A(H3N2) вирүсийн онцлог нь М генээ томуугийн цартахлын A(H1N1) 2009 вирүсээс авсан ре-ассортант хэлбэртэй байгаа явдал болно.
2. CIDRAP: Two more children infected with nov¬el swine flu virus, http://www.flu.org.cn/ en/news_detail?action=ql&uid=MjY5NA&pd=bmFyYW5zdW1peWE&newsId=16627 ;