Өвөрхангай аймгийн бүсийн оношлогоо эмчилгээний төв
Катаракт буюу болор цайх өвчин нь дэлхий нийтэд сохролын гол шалтгаан болж байгаа бөгөөд ДЭМБ-н 2000 оны статистикаар катаракт өвчний улмаас 20 сая хүн хараагүй болсон нь нийт сохрлын 43%-г эзэлж байгаа юм . Судлаачдын үзэж байгаагаар 2020 он гэхэд катарактын улмаас хараагаа алдагсдын тоо 50 саяд хүрч болзошгүй байна. Иймээс ДЭМБ-аас дэвшүүлсэн сохролоос урьдчилан сэргийлэх хөтөлбөр нь;
- • Бүх хүн амд нүдний тусламжийг хүртээмжтэй болгох
- • Зайлсхийж болох сохрлыг эрс бууруулах гэсэн үндсэн зорилтуудыг тавьсан .
Катаракт өвчин нь монгол орны 40 дээш насны хүмүүсийн сохрох хараа муудах үндсэн шалтгааны 36%-г эзэлж ба Улаанбаатар хотод катарактын мэс заслын 78% хийгдэж байгаа гэсэн тоо баримтуудад үндэслэн хөдөө орон нутагт тохиолдож байгаа катаракт өвчний тархалт түүний эмчилгээг судлан үзэхийг зорьсон юм .
Судалгааны зорилго
Хөдөө орон нутагт тохиолдож байгаа катаракт өвчний тархалт, эмчилгээний үр дүнг судлахад оршино .
Судалгааны зорилт;
Дээрхи зорилгоо биелүүлэхийн тулд дараахь зорилтуудыг дэвшүүлэн тавилаа. Үүнд ;
- Катаракт өвчний тохиолдлыг бусад аймгийн БОЭТөвтэй харьцуулан судлах
- Хийгдэж байгаа эмчилгээний үр дүнг тогтоох
- Цаашид тавих санал , дүгнэлтийг гаргах
Судалгааны ажлын материал
2003-2007онд Өвэрхангай болон Ховд аймгийн БОЭТөвд оношлогдон катаракт өвчний улмаас мэс засал хийгдсэн 158 өвчтөний анхан шатны маягт болон бүртгэл мэдээллийг ашиглан боловсруулалт хийсэн .
Судалгааны ажлын арга зүй
- Түүвэрлэн судлах арга
- Ретроспектив судалгааны арга
- Харьцангуй хэмжигдэхүүний арга
- Хамаатуулах эрсдлийг тооцох арга
- График дүрслэлийн арга
Судалгааны ажлын шинэлэг тал ба практик ач холбогдол
- • Хөдөө орон нутагт анх удаа цайсан болрыг авах , хиймэл болор шилжүүлэн суулгах аргыг практикт нэвтрүүлсэн
- • Хөдөө орон нутагт тохиолдож байгаа катарактийн тархалт , эмчилгээний үр дүнг харьцуулан судалсан .
Судалгааны үр дүн
Дүгнэлт ;
- Бидний хийсэн судалгаагаар 2 аймгийн БОЭТөвд бүртгэгдсэн катарактын хагалгаа хийлгэсэн өвчтөнүүдийн 60 дээш хувийг ахмад настангууд эзэлж багаа нь нас ахих тусам катарактын өвчлөлийн хувь нэмэгддэг гэсэн бусад судлаачдын дүгнэлтттэй тохирч байна .
- Нийт өвчлөгсдийн 62% нь сохор 38% нь сул хараатай хагалгаанд орж хагалгааны дараа 10-60% иар хараа сэргэсэн нь ДЭМБ-аас дэвшүүлсэн зорилт , Монгол улын зайлсхийж болох сохрол ба хараа сулралаас сэргийлэх үндэсний стратегийн төлөвлөгөөг хөдөө орон нутагт тодорхой хэмжээгэээр хэрэгжүүлэн ажиллаж байна гэж үзлээ .
- Хагалгааны дараах харааны сэргэлтийг сайжруулахын тулд хөдөө орон нутагт эхобиометр болон офтальмометрийн тусламжтайгаар нүдний урт хугарлын хүчийг тодорхойлж хиймэл болрын хүчийг тооцоолон катарактын мэс засалд хэрэглэх шаардлагатай байна .
- Орчин үед дэлхий нийтээр катарактын мэс засалд хэрэглэж байгаа аргуудаас склерийн тунелийн аргыг хөдөө орон нутгийн практикт нэвтрүүлэх арга хэмжээг авах шаардлагатай байна.