Монголын Анагаахын Сэтгүүлүүдийн Холбоо (МАСХ)
Монголын анагаах ухаан, 2014, 2(168)
Зүрхний элбэг тохиолддог төрөлхийн гажгуудыг хариуцдаг генүүдийн днк-ийн нуклеотидийн дарааллыг молекул генетикийн нарийн аргыг ашиглан тайлж уншин, генетикийн шалтгаантай зүрхний гажиг үүсэх магадлалыг судалсан дүн
( Судалгааны өгүүлэл )

Н.Баасанжав, Л.Содномцогт, Д.Пүрэвсүрэн, Ц.Бадамсэд, Б.Содгэрэл, Ч.Төвжаргал, М.Ачитмаа

Академич Т.Шагдарсүрэнгийн нэрэмжит Анагаах ухааны хүрээлэн

 
Абстракт
Background
Congenital heart defects (CHD) turn out to be the leading cause of infant mortality in their first year after infectious diseases. Per 1,000 infants, born with CHD, about 19-75 failed  to survive. It reveals the fact that CHD is a major cause of childhood mortality in worldwide. Beyond the progress of medicine and surgery, the cause of CHD is not fully defined. The majority of studies reveal that CHD is triggered by many factors, such as the genetic and environmental factors.
Based on the evidences of the sequence of the human genome and advances in molecular technology, genetic factors play a major role. Per 100 newborninfants, they’re found  one child, born with a CHD is concerned as a highly frequent incident for birth anomaly. Only 0.5% of these congenital defects enable to be inherited in accordance with Mendel’s genetic laws, which is associated with the change and mutation of a single gene. Many found that most congenital anomalies depend upon mutation or change in multiple genes and other relevant factors. As a result of the progressive development of molecular biology in the past 20 years discovered a range of genes involved in fetus formation, development, growth and control of processes. In our country case, corrective surgery for CHD dominates among all cardiovascular surgery in Mongolia. Particularly,  for all incidents done some corrective surgery of congenital heart defects, atrial septal defect operation occupies 42.44%, in other word it is a substantial part of the CHDoperation (D.Tsegeenjav, 2009). Molecular genetics study of infant born with heart defects and simultaneous anomaly of other organ system research still has not been done for Mongolian population. In many cases the diagnosis of CHD is delayed until their adulthood, which is a research gap to address without further delay and the finding  must be applied in practice in the near future.
Goal
The aim of the research is to conduct a molecular genetic study of children, born with CHD and combined abnormalities of other organs and systems, identify gene lesion, location and characteristics of mutations, pathogenetic mechanism of congenital defects and anomalies among the Mongolian population.
Result
For this study, there are 118 patients, with congenital heart disease, received surgical treatment in the cardiovascular department of III central state hospital named P.N. Shastin, involved after confirmed diagnosis through objective and instrumental investigations (ECG, Fluoroscopy, EchoKG). The 118 healthy family members of patients sampled as a control group. According to the diagnosis of patients with congenital heart defect, such as atrial septal defects-95 (81.2% ± 3.6), ventricular septal defects-17 (14.5% ± 3.3), patent ductusarteriosus- 2 (1.7± 0 .0%) have combined severe defects - 4 (3.3% ± 1.0). Out of 118 patients with congenital heart defects, 32.2% (38 patients) was male, whereas women accounted for 67.8% (80 patients) with average age of 22, 3 ± 12.9 (minimum 1.0 year, maximum 51 year). These comprised 42.4% in 1-17 years old (average age 10 ± 5.27) and 57.6% in 18-51 years old (average age 31 ± 9.54). The 33.9% ± 4.4 (40 patients) of operated patients responded the questionnaire that they have a hereditary heart defect. Shortness of breath, heart pain, and recurrent pneumonia were the main complaints of patients with CHD that significantly authentic to statistical probability. From the  taken 118 blood samples, 95 were diagnosed ASD, in 7 diagnosed VSD, in 2 diagnosed PDA, in 4 diagnosed combined defects. For the 95 samples, we decided to examine the ASD associated GATA4, TBX5gene. It draws attention to the fact that 81.2% of all congenital heart defects found only ASD. To examine the ASD genes in the sample, the following changes have occurred. The study found 8 variants of mutations forming ASD. It includes on exon 1 Gly 93 Ala (c.278G> C), on exon 1 P163S (c.487C>T).
Conclusions:
  1. Patients with ASD alone occupy 81,2% of all heart defects in our study.
  2. For the samples of ASD, the study found 8 different mutations of GATA4.
  3. In the sample of blood not found TBX5 gene mutation.
  4. In the samples, one patient with dextrocardiasitusinvertus was combined with congenital heart defects found E359Xfs (c.1075delG) deletion variation on exon3.
Key words: ASD, GATA4, heart, defects, congenital
Pp.18-24, Figures 15, References 20

Оршил

Зүрхний төрөлхийн гажиг (ЗТГ) нь төрсний дараах эхний жилд халдварт өвчнүүдээс гадна хүүхдийн нас баралтын тэргүүлэх шалтгаан болдог (J.I.Hoffman ба бусад., 2002). Тохиолдол нь амьд төрсөн 1000 хүүхэд тутамд 19 - 75 байгаа ба үр зулбалтын ихэнх хувийг эзэлж байгаа нь ЗТГ дэлхий дахинд хүүхэд насны өвчлөл, эндэгдлийн голлох шалтгаан гэдгийг харуулж байна (B.G.Bruneau ба бусад, 2008). 

Анагаах ухааны ололт ба мэс заслын дэвшилтэт ахицаас үл хамааран ЗТГ-ийн шалтгаан одоог хүртэл бүрэн тайлбарлагдаагүй байна. Хүний геномын дараалал ба молекул технологийн ололт амжилт нь ЗТГ-т удамшлын хүчин зүйл голлох байр суурь эзэлж байгааг харуулсаар байна. Ихэнх судлаачид ЗТГ нь генетикийн болоод хүрээлэн буй орчны нөлөө зэрэг олон хүчин зүйлээс хамааралтай гэж үздэг. ЗТГ нь удамшлын, хүрээлэн байгаа орчны нөлөөлөл зэрэг олон хүчин зүйлээс хамаардаг  болохыг Балтимор-Вашингтоны нярай судлал болон бусад сонгодог судалгаанууд олж тогтоогоод байгаа юм (C.Ferencz ба бусад,1993). 

Өнгөрсөн хагас зуунд хүүхдийн зүрхний өвчний тохиолдолд удамшлын үр нөлөөллийн эрсдэл өндөр байсныг олон тооны жишээгээр харуулсан. ЗТГ-тай төрсөн ихэнх хүүхдүүдэд бусад гаж хөгжил байдаггүй байхад харин ЗТГ бусад гаж хөгжилтэй хавсарсан буюу хам шинж танигдсан хэсэг нь 25-40%-ийг эзэлдэг (D.Bernstein ба бусад, 2004).

Судалгаагаар NKX2.5 мутаци тосгуур-ховдлын дамжуулалтын уртсалттай дан тосгуурын таславчийн гажиг үүсгэдэг болохыг харуулсан (Schott J.J. et al.,1998). GATA4 мутаци NKX2.5- тай харилцан үйлчлэлцэж АВ дамжуулалтын уртсалтгүй дан тосгуурын таславчийн гажиг үүсгэдэг. Мөн GATA4 мутаци TBX5-тай харилцан үйлчлэлцэж ЗТГ үүсгэдэг. MYH6 мутаци тосгуурын таславчийн гажгийн бас нэг шалтгаан болж байдаг (Y.H.Ching ба бусад, 2005). MYH6 нь TBX5 ба GATA4-р идэвхжиж, зүрхний таславчийн гажгийн шалтгаан болдог.

Зорилго

Зүрхний элбэг тохиолддог төрөлхийн гагуудыг хариуцдаг генүүдийн ДХК-ийн нуклеотидийн дарааллыг молекуль генетикийн нарийн аргыг ашиглан тайлж уншин, генетикийн шалтгаантай зүрхний гажиг үүсэх магадлалыг судлахад судалгааны ажлын зорилго оршино.

Материал, арга зүй

Нийт зүрхний төрөлхийн гажигтай 118 өвчтөн болон тэдний гэр бүлийн эрүүл 118 гишүүдийг хяналтын бүлэг болгон судалгаанд хамруулсан. Хяналтын бүлэг болох гэр бүлийн 662 гишүүдийг зүрхний төрөлхийн гажиг илрүүлэх зүрхний цахилгаан бичлэг, зүрхний ЭХОКГ, рентген шинжилгээ, зүрх судасны эмчийн үзлэгт хамруулсан.

АУХ болон ХБНГУ-н Лейпцег, Халле хотын Удамзүйн хүрээлэн хамтын ажиллагааны гэрээний хүрээнд тус хүрээлэнгийн молекул биологийн лабораторид нийт 236 хүнийг сонгон авч ёс зүйн зөвшөөрөл авсны үндсэн дээр тус бүр 4.0 мл –ээр 2 удаа нийт 8.0 мл цус авч ДНХг ялгаж уургийн дарааллыг тогтоох шинжилгээг хийсэн.

Үр дүн

ЗТГ-тай өвчтнүүдийг оношоор нь авч үзвэл тосгуур хоорондын таславчийн хоёрдогч цоорхой 95 (81.2%±3.6), ховдол хоорондын таславчийн цоорхой 17(14.5%±3.3), артерийн битүүрээгүй цорго 2 ( 1,7 % ± 0 .0), хавсарсан хүнд гажиг 4 (3.3 % ± 1,0 ) байлаа . ЗТГ-тай 118 өвчтнүүдээс эрэгтэй нь 32.2% (38 хүн), эмэгтэй нь 67.8% (80 хүн)  байлаа ( Зураг 3). Дундаж нас нь 22,3 ±12.9 (хамгийн бага нь 1.0 настай, хамгийн ахмад нь 51.0 настай байлаа). Үүнээс, 42.4 % нь 1-17 настай (дундаж нас 10 ± 5.27 ), 57.6 % нь 18-51 нас (дундаж нас 31± 9.54) 

Судалгаанд хамрагсдыг газар зүйн байршлаар нь судлaхад Улаанбаатар хотоос 36.4%, баруун бүс - 20%, төвийн бүс - 20%, зүүн бүс - 8%, хангайн бүс - 16% эзлэж байна. ЗТГ-тай өвчтнүүдийн амьсгаадах, зүрхээр өвдөх ба уушигны үрэвслээр давтан өвдөх гэсэн зовиур давамгайлж байсан (p< 0.05). Зүрхний хэт авиан шинжилгээ (допплер). Зүрхний хэт авиан шинжилгээгээр таславчийн  цоорхойн 29.3% нь 1.1 см-ээс бага, 40,2% нь 1.1- 2.0 см, 2.1-3.0 см нь 25.6%, 3.1-4.0 см нь 4.9% тус тус байна. Цоорхойн дундаж хэмжээ нь 2.1 ± 0.75 см (0.5-3.5 см). 

Зүрхний хэт авиан допллер шинжилгээгээр уушигны артерийн даралтын (SPAP) дундаж нь 43.3±15.3 м.у.б (15.5–75 м.у.б.) байсан. Үүнээс, хөнгөн зэргийн уушигны артерийн гипертензи нь 27.8 %, дунд зэргийн–55.6%, хүнд зэргийн– 16.7% эзлэж байна.

Мэс заслын эмчилгээ:Бүх өвчтөнүүд цусны зохиомол эргэлтийн нөхцөлд цоорхойг нөхөх мэс заслын эмчилгээ хийлгэсэн. Мэс заслын эмчилгээ хийлгэсэн өвчтний33.9% ± 4.4 нь (40 хүн) гажгийн удамшилтай гэж хариулсан.

Сорьц 169: GATA 4 генийн 1-р экзоны 487-р локусын ТАД2 хэсгийн 163 дахь аминхүчлийн байрлал дахь туйлжаагүй Пролин аминхүчил нь туйлжсан Серин аминхүчлээр солигдсоноос транскрипцийн процесс саатсантай холбоотой таславч хоорондын цоорхой үүсэх нөхцөл бүрддэг байна. Пролин нь эссенцель биш, гидрофоб шинж чанартай, фенолын цагираг агуулсан аминхүчил бөгөөд харин серин нь эссенцель биш аммонийн групп бүхий амин хүчил юм. Бүтцийн хувьд өөр амин хүчлүүд солигдож  өөрчлөгдсөнөөс үүдэн дээрх гажиг үүссэн. Энэ ЗТГ нь транскрипцийн процессийн идэхжүүлэгч факторын үйл ажиллгааны өөрчлөлттэй холбоотой. Манай оронд тохиолдож байгаа ТХТЦ нь зөвхөн GATA4 генийн өөрчлөлтийн дүнд илэрч байгаа нь өвөрмөц юм.

Сорьц 0013: CATA4 генийн 1 эксоны ТАД1 хэсгийн 278 дахь локусын 93 дахь байрлалд глицин нь аланин аминхүчлээр солигдсоноос транскрипцийн процессийг идэвхжүүлэгч домений үйл ажиллгаа саатснаас ЗТГ үүсэх нөхцөл бүрдсэн байна. Глицин амин хүчил нь эссенцель биш, химийн бүтцийн хувьд энгийн биемахбодид нийлэгждэг, уургийн бүтцэд чухал үүрэгтэй хирал бүтэц агуулаагүй, гидрофиль шинж чанартай аминхүчил юм. Аланин нь хийн бүтцийн хувьд хирал бүтэцтэй эссецель, гидрофоб аминхүчил юм

Figure 1. Prolin and Serin aminoacid

Figure 2. Pedigree chart of patient with ASD

Сорьц 0013: CATA4 генийн 1 эксоны ТАД1 хэсгийн 278 дахь локусын 93 дахь байрлалд глицин нь аланин аминхүчлээр солигдсоноос транскрипцийн процессийг идэвхжүүлэгч домений үйл ажиллгаа саатснаас ЗТГ үүсэх нөхцөл бүрдсэн байна. Глицин амин хүчил нь эссенцель биш, химийн бүтцийн хувьд энгийн биемахбодид нийлэгждэг, уургийн бүтцэд чухал үүрэгтэй хирал бүтэц агуулаагүй, гидрофиль шинж чанартай аминхүчил юм. Аланин нь хийн бүтцийн хувьд хирал бүтэцтэй эссецель, гидрофоб аминхүчил юм

Figure 3. Glycin and Alanin aminoacid

Figure 4. Pedigree chart of patient with ASD

Сорьц 113: Баруун талдаа зүрхтэй өвчтөнд E359X (c.1075delG) делеци илэрсэн бөгөөд энэхүү өөрчлөлт нь гата 4 генийн 3 экзоны С терминаль цинк фингер доменийн 1075 дахь локуст гуанины өмнөх триплет хаягдсанаас мэдээдэл агуулсан мэдээллийн мРНХ бүрэн биш мэдээлэл хуулбарлагдаж эсийн бөөмд дамжсантай холбогдон эмбриогенезийн үед буруу байрлалд үүдэл эсүүд байрших болон зүрхний бусад хавсарсан гажгууд үүсэх магадлалтай юм. Үүнийг цааш нарийвчлан судлах шаардлагатай.

Figure 5. Pedigree chart of patient with Dextrocardia CHD

Сорьц 110: GATA 4 генийн 3 экзон дээр С терминаль цинк фингер доменийн 886локусын 296 дахь аминхүчил байрлалд глицин нь цистейнээр солигдсон байна. Дээр дурдсанчлан глицин нь эссенцель биш, химийн бүтцийн хувьд энгийн биемахбодид нийлэгждэг, уургийн бүтцэд чухал үүрэгтэй хирал бүтэц агуулаагүй, гидрофиль шинж чанартай аминхүчил юм. Цистейн нь хажуугийн хэлхээндээ хүхэр агуулсан ба исэлдэлтийн үед дисульфидийн гүүрийг үүсгэн холбогддог элгэнд нийлэгждэг, гидрофиль амин хүчил юм. Өөр хоорондоо ялгаатай амин хүчил солигдсоноос транскрипцийн (хуулбарлах) төгсгөл шатанд нөлөөлөх факторуудын өөрчлөлтөөс үүдэн дээрх ЗТГ үүсэх боломжтой 

Figure 6. Glycin and Cystein aminoacid

Figure 7. Pedigree chart of patient with ASD

Сорьц 145: GATA 4 генийн 3 экзон дээр С терминаль цинк фингер доменийн 886локусын 296 дахь аминхүчил байрлалд глицин нь аланин амин хүчлээр солигдсонтой холбоотойгоор ЗТГ үүссэн. Солигдсон аланин нь хийн бүтцийн хувьд хирал бүтэцтэй эссенцель, гидрофоб аминхүчил. Цистейн нь хажуугийн хэлхээндээ хүхэр агуулсан ба исэлдэлтийн үед дисульфидийн гүүрийг үүсгэн холбогддог элгэнд нийлэгждэг, гидрофиль амин хүчил юм. Өөр хоорондоо ялгаатай амин хүчил солигдсоноос транскрипцийн (хуулбарлах) төгсгөл шатанд нөлөөлөх факторуудын өөрчлөлтөөс үүдэн дээрх ЗТГ үүсэх боломжтой. 

Figure 8. Glycin and Alanin aminoacid

Figure 9. Pedigree chart of patient with ASD

Сорьц 122: GATA 4 генийн 4 экзон дээр бөөм рүү төвлөрсөн доменийн хэсгийн 946 дахь локус дахь 316 аминхүчлийн байрлалд глютамин нь глютамины хүчлээр  солигдсон. Глютамин нь эссенцель биш, аминогруппийн донорын үүргийг гүйцэтгэдэг, гидрофиль амин хүчил бөгөөд глютамины хүчил нь энантиомер бүтэцтэй гидроксил группийн агууламж өндөр, хүчиллэг аминхүчил юм. Энэ хэсэгт аминхүчил солигдсоноос уургийн мэдээлэл агуулсан мРНХийн бөөм рүү шилжих процесс  саатсантай холботойгоор ЗТГ үүсэх магадлал өндөр юм. 

Fugure 10. Glutamin and Glutamat aminoacid

Figure 11. Pedigree chart of patient with ASD

Сорьц 161: ГАТА4 генийн 6 экзоны 1232 локусд аланин валинаар солигдсон өөрчлөлтийг тогтоосон. Аланин нь хийн бүтцийн хувьд хирал бүтэцтэй эссенцель, аминхүчил, валин нь эссенцель гидрофоб амин хүчил. 

Figure 12. Alanin and Valin aminoacid

Figure 13. Pedigree chart of patient with ASD

Сорьц 140: 6 экзон дээр 1273 дахь локусын 425 байрлалд аспаргины хүчил нь аспаргинаар солигдсоныг олж тогтоосон.

Figure 14. Aspartat and Aspargin aminoacid

Figure 15. Pedigree chart of patient with ASD

Хэлцэмж: GATA4 болон TBX5 генийн трансфакторын хоорондын харилцан үйлчлэлийг G296S мутаци нь таслан зогсоодог. TBX5 гений мутаци нь GATA4, TBX5 генүүдийн хоорондын харилцан үйлчлэлийг саатуулж дан зүрхний таславчийн цоорхой үүсгэх шалтгаан болдог (Garg et al., 2003). Хүнд ЗТГ-тай 16 настай охины цусанд GATA4 генийн өөрчлөлт 8p23.1 хромосомд илэрсэн. Эцэгт нь мөн генийн өөрчлөлт илэрсэн боловч хөнгөн явцтай ЗТГ оношлогдсон (Kennedy et al., 2001). ЗТГ оношлогдсон нэг гэр бүлийн 5 үеийн 16 гишүүнд GATA4 генийн G296S мутаци нөлөөлсөн болохыг тодоруулсан.Бүх гишүүдэд ТХТЦ илэрсэн. Мөн 8 гишүүнд хавсарсан ХХТЦ, анхдагч ТХТЦ, уушигны хавхлагын нарийсал, зүрхний хавхлагын дутагдал илэрсэн. Харин зүрхний дамжуулах системийн болон бусад эрхтэний гажиг илрээгүй. 

Зүрхний таславчийн цоорхой болон хавхлагын гажигтай 628 өвчтөний 5-д нь GATA4 генийг 4 төрлийн хоорондын хамааралгүй дарааллуудыг илрүүлсэн. Тэдний нэг нь Фаллогийн дөрвөлтэй байсан. Судалгааны дүнд GATA4 генийн мутаци таславчийн гажигтай өвчтөнүүдэд ховор илэрдгийг тодорхойлсон (Tomita-Mitchell et al., 2007). GATA4 генийн мутацитай 107 хулганыг хамруулсан судалгаанд гетерозигот хоорондоо хамаагүй 4 өвчтөнг тодруулсан. ТХТЦ-той 8 өвчтөний 1(12,5%), зүрхний хавхлагын гажигтай 43 өвчтөний 2 (4.8%), зүрхний баруун ховдлын гипоплазитай 9 өвчтөний 1 (11.1%) оношлогдсон. Зүрхний кардиомиопатитай 48 өвчтөнд мутаци илрээгүй байна (Rajagopal et al.,2007).

ЗТГ-тай 486 хятад өвчтөний цусанд GATA4 генийн шинжилгээ хийхэд 12 өвчтөнд 9 гетерозигот мутаци илэрсэн. Үүнд: ХХТЦ-той 319 өвчтөний 9 (2.8%), Фаллогийн дөрвөлтэй 64 өвчтөний 2 (3.1%), хавхлагын гажигтай 11 өвчтөний 1 (9.1%) байсан. Тэдэнд дамжуулах системийн өөрчлөлт илрээгүй ( Zhang et al., 2008).

Удамшлын бус ЗТГ-тай 135 хятад хүүхдүүдэд GATA4 генийн мутацийн шинжилгээг хийхэд 2 гетерозигот мутаци илэрсэн. Үүнд: 1 Фаллогийн дөрвөлсөн гажиг, 1 ХХТЦ-той өвчтөн байсан (Peng et al., 2010).

Хятадын нэг гэр бүлийн 3 үеийг хамруулан GATA4 генийг судлахад гетерозигот мутаци илэрсэн. Тэдний дунд аутосом доминант ТХТЦ болон уушигны артерийн нарийсалт  тодорхойлогдоно.

Судалгаанд ЗТГ-тай 30 (10 ТХТЦ, 10 ХХТЦ, 8 ТХТЦ болон ХХТЦ хавсарсан, 2 анхдагч ТХТЦ)- той өвчтөнд GATA4 генийн шинжилгээ хийхэд мутаци илрээгүй (Chen et al., 2010).

Хоёрдогч ТХТЦ оношлогдсон Хятад гэр бүлийн 8 гишүүнд GATA4 генийг шинжлэхэд гетерозигот мутаци илэрсэн. Гэхдээ тохиолдлын ЗТГ-тай 70 өвчтөнд GATA4 генийн мутаци илрээгүй. Тэдний 20 нь ТХТЦ-той байсан. Цусан төрлийн хамааралгүй ХХТЦ-той 210 Хятад өвтчөнд GATA4 генийг судалсан. Тэдний 45 нь хавсарсан зүрхний гажигтай байсан. Харин 1 өвчтөнд гетерозигот мутаци илэрсэн. Судлаачдын тэмдэглэснээр GATA4 генийн кодон 296 мутацийг ХХТЦ, бусад зүрхний гажиг, хоёрдогч ТХТЦ, уушигны артерийн нарийсалтай өвчтөнүүдэд шинжлэхэд, gly296 нь мутаци үүсгэх чухал хүчин зүйл болдог гэдгийг тодорхойлсон ( Wang et al., 2011). Хятадын ХХТЦ-той 160 цусан төрлийн бус өвчтөнд GATA4 генийн экзон, интроны кодын дарааллыг тодорхойлоход, 1 өвчтөнд гетерозигот мутаци илэрсэн. 160 өвчтөний 200 цусан төрлийн хамаатанг судалгаанд хамруулснаас мутаци илрээгүй (Yang et al., 2012). 

ТХТЦ оноштой 95 сорьцонд тосгуур хоорондын таславчийн гажгийг нөхцөлдүүлэгч GATA4, TBX5 генүүдийн судлахад зөвхөн GATA4 ген дээр 8 төрлийн мутаци өөрчлөлт илэрсэн бөгөөд TBX5 генийн өөрчлөлт огт илрээгүй. Олон улсын хэвлэлд нийтлэгдсэнээс харахад ТХТЦ гажгийн 20-25% нь GATA4, TBX5 генийн хавсарсан өөрчлөлтийн дүнд илэрдэг болохыг тэмдэглэсэн байдаг. Манай оронд тохиолдож байгаа ТХТЦ нь зөвхөн GATA4 генийн өөрчлөлтийн дүнд илэрч байгаа нь өвөрмөц юм. Анхаарал татсан нэг тохиолдол нь баруун талдаа зүрхтэй хавсарсан төрөлхийн гажигтай нэг өвчтөний сорьцод GATA4 генийн экзон 3 дээр E359X (c.1075delG) делеци өөрчлөлт илэрсэн. Энэ өөрчлөлт нь маш ховор тохиолддог бөгөөд өнөөгийн байдлаар хэвлэлд нийтлэгдсэнээр 3 тохиолдол Хятад, Япон, Тайваньд илэрсэн бөгөөд баруун талдаа байрласан зүрх, хавсарсан гажгийн молекулгенетикийн судалгааг зайлшгүй хийх шаардлагатай байгаа юм.

Дүгнэлт:

  1. Зүрхний төрөлхийн гажгийн 81.2 хувийг зүрхний тосгуур хоорондын таславчийн цоорхой дангаараа эзэлж байна.
  2. Зүрхний тосгуур хоорондын таславчийн цоорхой гажиг оноштой 8 өвчтөний сорьцод GATA4 генийн 8 төрлийн мутаци илэрсэн.
  3. Судалгаанд авсан сорьцод TBX5 генийн өөрчлөлт илрээгүй.
  4. Баруун талдаа зүрхтэй төрөлхийн хавсарсан гажигтай өвчтөний сорьцод GATA4 генийг үзэхэд экзон 3 дээр E359Xfs (c.1075delG) делеци өөрчлөлт илэрсэн.
Ном зүй

1. Баасанжав Н. Диагностика и показания хирургического лечения ВПС-ОАП (методические рекомендаций). Приказ министра здоровья Монголии за ¹55 от 05-
16-1993 г.
2. Баасанжав Н, Лхагвасүрэн З.,Бадамсэд Ц.,Содгэрэл Б. Зүрхний төрөлхийн гажиг, судасны эмгэгийг судсан дотуур оношлон эмчлэх. -УБ. -2006 он. -х.39-51.
3. Бадамсэд Ц. Зүрхний таславчийн дан ба хавсарсан цоорхойн рентген оношлогоо. Анагаах ухааны дэлд докторын зэрэг горилсон нэг сэдэвт бүтээл. Улаанбаатар хот. 1990 он.
4. Бундан Ц. Эрдэнэчулуун Д. Бага насны хүүхдийн ЗТГ-ийн тархалтыг судлах асуудалд. –Монголын анагаах ухаан сэтгүүл. -УБ. -1980 он. -х.47-50.
5. Лхагвасүрэн З., Баасанжав Н.,Цэгээнжав Д., Бадамсэд Ц.,Дамдинсүрэн Ц., Содгэрэл Б. Артерийн битүүрээгүй цоргыг судсан дотуурх мэс заслын аргаар янз бүрийн бөглөгчөөр бөглөж эмчилсэн нь. -Монголын анагаах ухаан сэтгүүл. -Улаанбаатар хот. - 2006 он. -¹4(138). -х.45-48.
6. Эрдэнэчулуун Д. Частота структура ВПС у детей в МНР и потребность в стационарнокардиохирургической помощи. – Автореф. дисс.канд.мед.наук. -УБ. -1990. -21с.
7. Bernstein D. Evaluation of the cardiovascular system. In: Behrman RE, Kliegman RM, Jenson HB, Eds. Nelson Textbook of Pediatrics 17th ed. Philadelphia, Saunders 2004; pp 1481-8.
8. Bruneau BG. The developmental genetics of congenital heart disease. Nature 2008; 451(7181): 943-8.
9. Ching YH, Ghosh TK, Cross SJ, et al. Mutation in myosin heavychain 6 causes atrial septal defect. Nat Genet 2005; 37(4): 423-8.
10. Ferencz C, Rubin JD, Loffredo CA, Magee CM. The epidemiology of congenital heart disease, The Baltimore-Washington Infant Study (1981- 1989). Perspectives in Pediatric Cardiology, Mount Kisco, NY: Futura Publishing Co.Inc, 1993; vol. 4.
11. Chen, Y., Han, Z.-Q., Yan, W.-D., Tang, C.- Z., Xie, J.-Y., Chen, H., Hu, D.-Y.A novel mutation in GATA4 gene associated with dominant inherited familial atrial septal defect. J. Thorac. Cardiovasc. Surg. 140: 684-687, 2010. [PubMed: 20347099, related citations] [Full Text: HighWire Press]
12. Chen, Y, Mao, J, Sun, Y, Zhang, Q, Cheng, H.-B, Yan, W.-H, Choy, K. W, Li, H.A novel mutation of GATA4 in a familial atrial septal defect.Clin. Chim. Acta 411: 1741-1745, 2010. [PubMed: 20659440, related citations] [Full Text: Elsevier Science]
13. Garg, V, Kathiriya, I. S, Barnes, R, Schluterman, M. K., King, I. N, Butler, C. A, Rothrock, C. R, Eapen, R. S, Hirayama-Yamada, K, Joo, K, Matsuoka, R, Cohen, J. C, Srivastava, D.GATA4 mutations cause human congenital heart defects and reveal an interaction with TBX5.Nature 424: 443-447, 2003. [PubMed:
12845333, related citations] [Full Text: Nature Publishing Group]
14. Peng, T, Wang, L, Zhou, S.-F, Li, X.Mutations of the GATA4 and NKX2.5 genes in Chinese pediatric patients with non-familial congenital heart disease.Genetica 138: 1231-1240, 2010. [PubMed: 21110066, related citations] [Full Text: Springer]
15. Rajagopal, S. K, Ma, Q, Obler, D, Shen, J, Manichaikul, A., Tomita-Mitchell, A., Boardman, K., Briggs, C, Garg, V, Srivastava, D, Goldmuntz. E, Broman, K. W., Benson, D. W., Smoot, L. B., Pu, W. T.Spectrum of heart disease associated with murine and human GATA4 mutation.J. Mol. Cell. Cardiol. 43: 677-685, 2007. [PubMed: 17643447, images, related citations] [Full Text: Elsevier Science]
16. Tomita-Mitchell, A., Maslen, C. L., Morris, C. D., Garg, V., Goldmuntz, E.GATA4 sequence variants in patients with congenital heart defects.J. Med. Genet. 44: 779-783, 2007. [PubMed: 18055909, related citations] [Full Text: HighWire Press]
17. Wang, J., Fang, M., Liu, X.-Y., Xin, Y.-F., Liu, Z.-M., Chen, X.-Z., Wang, X.-Z., Fang, W.-Y., Liu, X., Yang, Y.-Q.A novel GATA4 mutation responsible for congenital ventricular septal defects.Int. J. Mol. Med. 28: 557-564, 2011. [PubMed: 21637914, related citations] [Full Text: Spandidos Publications]
18. Yang, Y.-Q., Li, L., Wang, J., Liu, X.-Y., Chen, X.-Z., Zhang, W., Wang, X.-Z., Jiang, J.-Q., Liu, X., Fang, W.-Y.A novel GATA4 loss-offunction mutation associated with congenital ventricular septal defect.Pediat. Cardiol. 33: 539-546, 2012. [PubMed: 22101736, related citations] [Full Text: Springer]
19. Zhang, W., Li, X., Shen, A., Jiao, W., Guan, X., Li, Z.GATA4 mutations in 486 Chinese patients with congenital heart disease.Europ. J. Med. Genet. 51: 527-535, 2008. [PubMed: 18672102, related citations] [Full Text: Elsevier Science]
20. Kennedy, S. J., Teebi, A. S., Adatia, I., Teshima, I.Inherited duplication, dup(8)(p23.1p23.1)Pat, in a father and daughter with congenital heart defects. (Letter)Am. J. Med. Genet. 104: 79-80, 2001. [PubMed: 11746033, related citations] [Full Text: John Wiley & Sons, Inc.]
 
Танилцаж нийтлэх санал өгсөн : Биологийн шинжлэх ухааны доктор, дэд профессор Ж.Оюунбилэг


Зохиогчийн оруулсан түлхүүр үгс


Нийтлэлийн нээгдсэн тоо: 805
Зохиогчийн эрх хуулиар хамгаалагдсан. Дэлхийн Эрүүл Мэндийн Байгууллага, ©  2012.
Вебийг бүтээсэн Слайд ХХК