Судалгааны арга зүй: Бид тойгны судасжилтыг тогтоохын тулд рентген тодотгогч бодис болох хар туглага бүхий царцамтгай будгийг скипидарт уусган цогцосны гуяны артериар цутгаад формалинд бэхжүүлсний дараа рентген зураг авч гаргалгаа хийж тойгны артериудыг хэмжихэд  дундчаар өвдөгний дээд доод артерийн голч 1190 мкм, өвдөгний доод дотор артерийнх 680 мкм, булчин үений салаа артери 850 мкм голчтой, шаантны өгсөх артериуд 1360 мкм  тус тус байгааг тогтоосон бөгөөд эдгээр судаснууд өвдөгний үений артерийн торыг үүсгэдэг ба энэ тороос тойг цусан хангамжаа авдаг болох нь  тогтоогдлоо.

Өвдөгний артерийн торноос  гарсан жижиг салаанууд нь тойгны хуудасны артерийн торыг үүсгэж байлаа. 

2% цэлцэнгийн уусмалтай хар бэхээр цутгалга хийж бэхжүүлсний дараа хуудсыг хуулж авч үзэхэд түүний судсан торын бүх хэсгүүд эгэл болон бичил эргэлтийн түвшинд ялгарч байлаа. Том артерийн голч нь дундчаар 80-92 мкм, түүнээс салаалсан 1-р эрэмбийн артерийн голч нь 83-86 мкм, түүнээс цацраг маягаар салаалсан төгсгөлийн артерийн голч 56-70 мкм байв. 

Бичил эргэлтийн модулийн артериолын голч 50±0,67 мкм, прекапиллярын голч нь 10,95±0,46 мкм, посткапилляр голч нь 25,10±0,40 мкм мөн венулын голч нь 45,55±2,97 мкм байдгийг тогтоов.

      Дүгнэлт: Тойгны бичил судас нилээн нягтралтай байгаа нь ажиглагдаж байлаа. Энэ нь тойг араасаа шиллэг мөгөөрсөөр хучигдаж , зөвхөн урдаасаа хуудсаар хучигдаж байдаг ба 4 толгойт булчингийн шөрмөсөн дотор байрлан энэ шөрмөсөнд шим өгдөгтэй холбоотой мөн тойгны химт бодисын цусны эргэлтийг зохицуулах  ач холбогдолтой гэж үзэж болох юм. Бас нэг онцлог болох тойгны хуудасны бичил судасны артериол харьцангуй бүдүүн хүчирхэг байгаа нь өвдөгний үений шар усны хоригтой ерөнхий зүй тогтолтой холбоотой гэж дүгнэж байна.  

 

Судлаачдын бусад өгүүлэл

Сүүлд хийгдсэн